Работнички се засили со Ѓурѓевиќ

Скопскиот фудбалски прволигаш Работнички денеска го потврди договорот со Фахрудин Ѓурѓевиќ, кој ќе биде повратник во првата македонска фудбалска лига настапувајќи во дресот на „романтичарите“.

Ѓурѓевиќ кој е поранешен младински репрезентативец на Македонија потпишал едногодишен договор со Работнички, а 27-годишниот напаѓач доаѓа од чешкиот тим Храдец Кралове.

Во својата кариера Ѓурѓевиќ има настапи и за Македонија ЃП и Вардар во македонското првенство, како и за Спартак Суботица во Србија, Градачац во БиХ и Варнсдорф во Чешка.

Претходно, Работнички ги засили своите редови и со Стојковски, Зука и Муарем.

Сезоната во македонското фудбалско првенство започнува на 9 август, а во првото коло Работнички му гостува на скопскиот ривал Македонија ЃП.