Обрван пред почетокот на ЕП: За мене ова првенство е нерегуларно

Актуелниот селектор на Босна и Херцеговина, Ивица Обрван, ги потврди проблемите со позитивните тестови во неговата репрезентација, истакнувајќи дека го смета претстојното Европско првенство за нерегуларно.

– Би се осудил да кажам дека ова првенство веќе е нерегуларно, не само за БиХ, туку за сите репрезентации.

– Она низ што поминуваме сега им се случи и на другите репрезентации, а Црна Гора и Србија имаат и поголеми проблеми. Првенството ќе се игра, но не верувам дека ќе донесе нешто добро за овој спорт, – изјавил Обрван, кој во минатото беше и селектор на македонската репрезентација.

– Последните дваесетина дена сме соочени со вистинско лудило, постојани тестирања, па исчекување на резултатите, можете да тренирате, не можете да тренирате.

– Не можеме да живееме во стаклено ѕвоно, ракометарите мора да се движат, да дишат воздух. Носат маски, се дистанцираат, но на крајот повторно ни недостасуваат четири важни играчи, – истакнал Обрван.

На последното тестирање позитивни тестови имале Граѓан, Ахметашевиќ, Хамидовиќ и Овчина, па оваа четворка сигурно ќе го пропушти првиот натпревар на Бих на ЕП.