Поврзете се со нас

Меѓународни настани

Нов огромен успех: Македонските „кантераши“ се закитија со титулата европски прваци! (Фото)

Објавено

на

Foto: Facebook/Македонска Еспорт Федерација

„Кантер Страјк“ репрезентацијата на Македонија одново ја воодушеви македонската јавност на Европскпто е-спорт првенство во Орадеа.

По освоеното светска титула пред осум месеци во Израел, македонскиот тим составен од пет члена направи нов огромен успех и на турнирот во Романија, славејќи над добро познатиор ривал Украина во големото финале.

Во една тесна и израмнета битка, Македонија победи со 2:1 против Украина и ги обедини двете најважни титули, па така истовремено е и светски и европски шампион во Кантер Страјк во верзијата Global Offensive.

Тимот составен од пет члена го сочинуваа Јане „aidKiT“ Апостолоски, Дамјан „kyxsan“ Стоилковски, Александар „CacaNito“ Ќулукоски, Павле „stYleEeZ“ Стојановски и Даниел „dan1“ Глигоров, со што момците само докажаа дека во овој момент се неприкосновени на светската и европска сцена.

Само за потсетување, нашата Кантер Страјк репрезентација имаше драматична пресмекта против Украина и во полуфиналето на Светското првенство, но и тогаш победија со тесни 2:1. Пред денешното ново славје во финалето, Македонија во полуфиналето на Европското првенство во Орадеа беше подобра од Србија.

Реклама
Реклама
Реклама

Популарни