НБА

Невидена сцена во Далас: Домаќините најавија жалба, Дончиќ ризикува казна (Видео)

Објавено

на

23 март, 2023

Од

Dejan

Фото: https://twitter.com/dallasmavs

Натпреварот меѓу Далас и Голден Стејт од НБА лигата е топ тема во американската јавност, а причина се дел од случувањата на дуелот кој заврши со победа 125:127 на гостите.

Лука Дончиќ во завршницата бараше лична грешка од Дрејмонд Грин, но откако не ја доби, испорача контроверзен гест кон записничката клупа.

Словенецот алудирал дека судиите се потплатени, што може да му донесе сериозна казна од лигата во финишот на сезоната.

Незадоволството кај Далас е иницирано и од еден спорен момент во третиот период, поради кој сопственикот Марк Кјубан најави официјален протест до лигата.

Кјубан вели дека судиите одлучиле дека топката е за Далас, по што бил побаран тајмаут. По неговото завршување, топката им била доделена на гостите, а Луни постигнал лесни поени бидејќи играчите на Далас биле во офанзивниот дел од теренот.

– За време на тајмаутот судиите ја промениле одлуката и не ни кажаа за такво нешто. Тоа е голема грешка на натпревар кој беше решене со два поени разлика, – изјавил Кјубан.