Мукаетов прв им ја честиташе победата на македонските репрезентативци

Победата над Данска е една од најголемите во историјата на македонската машка ракометна репрезентација, а уште поголемо задоволство за сите во националниот тим, федерацијата и фановите, прави фактот светскиот шампион падна на дебито на новиот селектор Кирил Лазаров.

Лазаров како играч-селектор привремено ја одведе нашата селекција до првото место во квалификациската група за ЕП, а најголема штета е што во салата немаше навивачи кои би уживале во овој голем успех.

Веднаш по завршувањето на средбата, победата на ракометарите и стручниот штаб им ја честиташе претседателот на Ракометната федерација на Македонија, Живко Мукаетов.

Мукаетов не го криеше задоволството од големиот подвиг и реши лично да ги поздрави нашите репрезентативци, кои сега се многу поблиску до пласман на Европското првенство.

Македонија ја победи Данска со 33:29, во натпревар на кој постојано беше во водство, а во еден момент имаше и осум голови разлика.