Митревски и Порто поразени во уште една дерби пресметка со Спортинг, Талески со четворка против Мадеира

Порто на Никола Митревски загуби уште една битка со Спортинг во оваа сезона, овојпат со 35:32 во рамките на 22. коло во португалскиот шампионат.

Спортинг е нерешлива енегма за Никола и другарите во актуелнава сезона со оглед на тоа што е 3-0 во меѓусебните дуели. Имено „зелено-белите“ беа подобри и во првата лигашка пресметка како и во полуфиналето на Супер Купот.

Ветеранот Митревски имаше солидно издание со осум интервенции или 32 проценти на одбранети удари.

Филип Талески и неговите колеги од Бенфика неочекувано кикснаа на гостувањето кај Мадерира каде одиграа реми со резултат 34:34. Фаворитот водеше со четири разлика на полувреме, меѓутоа домаќините возвратија на ист начин во вторите 30 минути и со тоа останаа непоразени.

Македонскиот репрезентативец беше автор на четири погодоци.

Спортинг со 66 бода е недопорлив на првата позиција, Бенфика е втора со 57 по што следи Порто со 54 поени.