Миротиќ и Нејпир му пресудија на Партизан во драмата во Милано

Играчите на Партизан режираа нова драма во Евролигата, но за жал избраниците на Жељко Обрадовиќ во последно време ги губат тесните натпревари и сега си ја комплицираат работата за пласман во плејофот или плејинот.

Гостувањето кај Олимпија Милано беше тензично и драматично до самата завршница, но на крајот повеќе нерви имаше италијанскиот тим предводен од Никола Миротиќ и Шабаз Нејпир.

Миротиќ како несудено засилување за Партизан ја отвори последната четвртина со 11 поени во низа и најави дека ќе биде клучен за конечниот епилог, иако последниот збор сепак го имаше неговиот соиграч Нејпир.

При резултат 83:83, Нејпир погоди шут за предност од два поени на Олимпија Милано, па иако ПАртизан имаше пет секунди за продолжение, па дури и победа, Ледеј реши да одлучува сам и на крајот топката не ни стигна до обрачот.

Поразот од 85:83 е четврти за Партизан на последните пет меча во Евролигата, по што српскиот великан отпадна од топ 10 поредокот во Евролигата.

Миротиќ со 19 поени беше најефикасен во победничкиот табор, а исто толку постигна и Алекса Аврамовиќ.