Милан ја освои Верона и се зацврсти на второто место (Видео)

Милан на најдобар можен начин го користи сериознот пад во формата на Јувентус, па тимот на Стефано Пиоли сега има три бода повеќе од „старата дама“.

Иако играат и европски фудбал и се пласираа во четвртфиналето во Лигата на Европа, „росонерите“ продолжуваат со добрите изданија и во домашното првенство, па попладнево го освоија теренот на Верона.

Фаворитот поведе со голот на Teo Ернандес кој претходно двапати се обидуваше да асистира во зачетокот на акцијата, а на стартот на вториот дел пристигна и втор гол од Пулишиќ.

Верона се врати во игра со погодокот на Нослин и се погрижи за понеизвесна завршница, но крај на сите дилеми стави Чукуезе со голот за 1:3 во 79-та минута.

Со оваа победа, Милан сега се зацврсти на второто место и има три бода повеќе од Јувентус, но што е уште поважно, тимот на Пиоли не знае за пораз на шест меча во низа.