Мото ГП
Мартин направи голема грешка и му подари победа на Бањаја
Со победата на спринт трката, Хорхе Мартин вчера првпат замина на еднодневна пауза како лидер во генералниот пласман во Мото ГП, но возачот кој е во најдобра форма денеска го направи првиот кикс во ситуација кога требаше да го одбрани првото место.
Шпанецот имаше брилијантен старт на трката во Индонезија, до првата кривина изби од шестото на првото место, па кога се чинеше дека ќе има доминантна трка од почеток до крај, следеше голем шок за него.
Мартин направи грешка во малерозниот 13-ти круг во ситуација кога имаше три секунди предност пред Маверик Вињалес, а со тоа автоматски му ја подари победата на најголемиот ривал за титулата.
Пеко Бањаја беше зад Вињалес во ситуација кога Мартин падна, а Италијанецот ги искористи околностите и успеа да го мине возачот на Априлија за победа и враќање на врвот во генералниот пласман.
Актуелниот шампион со овој подарок се враќа на првото место и сега има предност од 17 бода, но блискоста и формата на Мартин ветуваат жестока битка за титулата на последните пет трки.
Вињалес денеска мораше да се задоволи со второто место и покрај добрата трка, додека Фабио Квартараро изненади и со својата Јамаха се најде на пиедесталот како третопласиран. Меѓу првите 10 завршија уште Ди Џанантонио, Бецеки, Биндер, Милер, Бастијанини, Ринс и Еспаргаро.
-
НБАпред 24 часа
Денвер повторно ги преслуша Лејкерс, Ембид броеше до 50 во триумфот на Филаделфија
-
Шпанијапред 20 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Формула 1пред 21 час
Голем удар за Ред Бул: Адријан Њуи најавил дека планира нов предизвик
-
Шпанијапред 17 часа
Промена во последен момент: Белингам во составот, друга ѕвезда на Реал отпадна за дуелот со Сосиедад
-
Италијапред 23 часа
Јувентус договорил нов голман, наследникот на Шчесни ќе биде Италијанец
-
НБАпред 16 часа
Јокиќ го исфрустрира ЛеБрон во еден дуел, изразот на лицето на Џејмс стана вирален (Видео)
-
Македонијапред 23 часа
Анализа по првиот настап: Можеме и подобро, свежа мотивација за Золдер!
-
Лига на шампионипред 11 часа
Признание за најдобрата македонска судијка: Пројковска ќе суди полуфинале во ЛШ