Поврзете се со нас

Македонија

Крстајиќ ја предводеше Академија ФМП до голема победа над Работнички

Објавено

на

blank

Академија ФМП и Работнички одиграа натпревар од македонското кошаркарско првенство, во кој на крајот на победата и се радуваа домашните кошаркари (75:69), кои претходно успеаја да ги изненадат и Гостивар и Куманово кои исто така ја имаа улогата на фаворит во меѓусебниот дуел.

Првото коло во новата 2021 година беше отворено со интересен натпревар, во кој двете екипи имаа добри и лоши моменти, на ФМП му припадна првиот период, а гостите возвратија во вториот за 35:34 по првото полувреме со навистина малку поени.

Кошаркарите на Академија ФМП повторно направија позитивна серија, за предност која Работнички подоцна ја преполови и ја врати резултатската неизвесност, но не успеа да направи целосен пресврт.

Крстајиќ со 30 и Темелковски со 14 поени ги предводеа стрелците кај победничкиот тим, додека во редовите на Работнички најефикасни беа Балмазовиќ со 16 и Младеновски со 12 поени.

По ова коло, Академија ФМП има скор 5-3, додека Работнички има 5-2 со еден одигран натпревар помалку во македонскиот шампионат.

Реклама
Реклама
Реклама

Популарни