Коста на интересен начин го искоментира партнерството со Суарез: Едниот ќе…

Луис Суарез уште на дебито за Атлетико Мадрид покажа дека ќе биде супер засилување за клубот од составот од шпанската престолнина.

Искусниот напаѓач ги одигра завршните 20 минути на средбата против Гранада, период во кој успеа да постигне два гола и да запише една асистенција и со тоа да влезе во историјата на Атлетико како прв играч кој дал погодок и асистирал на дебито за клубот во 21 век.

1 – Luis Suárez has become the first player to score and assist on his LaLiga debut for Atlético de Madrid in the 21st century and also the first debutant to score a brace for the Red-And-Whites. Spectacular. pic.twitter.com/UnDpb3CZoz

— OptaJose (@OptaJose) September 27, 2020

По дуелот на „Ванда Метрополитано“ свој коментар за новото засилување имаше Диего Коста кој воедно проговори за тоа како ќе изгледа соработката со Суарез.

-Ми се допаѓа Суарез. Се е добро, едниот од нас гризе, а другиот ќе удира. Не знам зошто Барса го пушти да си замине, тоа е нивна одлука. Тој има воинствен дух да освојува титули, се надеваме дека ќе можеме тоа да им го дадеме тоа на навивачите, -истакна Коста и додаде:

-Вистината е дека во сезоните каде освојувавме титули секогаш имавме одлични играчи како [Давид] Вилја, Адријан [Лопез] и Раул Гарсија. Тројца важни играчи излегоа и тројца влегоа кои можат да играат во било која екипа. Постои фер конкуренција. Треба да се натпреваруваш, -порача пргавиот напаѓач.