Кошаркар на Голден Стејт нема да може да игра на натпреварите на домашен терен

НБА лигата го одби барањето на Ендрју Вигинс, да направи исклучок во однос на ковид-19 протоколите, па кошаркарот на Голден Стејт нема да може да игра на натпреварите на домашен терен.

Вигинс бараше за него да не важи задолжителното вакцинирање поради религиозни причини, но барањето не е прифатено.

Според сојузните закони во Калифорнија, сите лица над 12 години мора да бидат вакцинирани за да присуствуваат на масовни настани во затворен објект, нешто што се подразбира и за еден НБА натпревар.

Вигинс нема да може да игра во арената на Голден Стејт додека не ги исполни барањата на градските здравствени власти, а првиот натпревар на „воините“ е на 21. октомври.

– Не размислувам да примам вакцина наскоро, освен ако не бидам приморан на одреден начин, – изјави неодамна Вигинс, па сега ќе биде интересно да видиме дали за него ова ќе биде доволна причина да се имунизира.