Кометал по 15 години ги собра легендите: Како е добро… (Фотогалерија)

Трифун Костовски како предводник на поранешниот европски ракометен шампион, Кометал Ѓорче Петров, го оствари најавеното собирање на сите девојки, по повод 15-годишниот јубилеј од титулата.

Со пригодна програма, потсетување на настаните од 2002 година преку снимки и изјави, Скопје повторно пулсираше во ритамот на легендарната песна која беше заштитен знак на навивачите на Кометал: „Како е добро, видети те опет“.

Гордана Нацева, Мирјана Чупиќ и Индира Кастратовиќ кои беа столбови на екипата и овој пат беа потпомогнати со Андријана Будимир, Милева Велкова, Анжела Платон, Наташа Тодоровска, Елена Златановска, додека специјално по овој повод дојдоа голманката Луминица Дину, незадржливата Лариса Кисељева и емотивната Ања Андрушенко. На прославата присуствуваа истакнати спортски функционери, почнувајќи од актуелното раководство на РФМ и претседателот Живко Мукаетов, како и водечките претставници на МОК, Васил Тупурковски и Владимир Богоевски.