Кин повторно за Бразилците: Ако сите прават така, натпреварите ќе траат три дена

Рој Кин отвори дебата за танцувањето на Бразилците и нивниот селектор Тите по головите на дуелот со Јужна Кореја, а дел од фановите и бразилската јавност не се согласуваат со неговиот став.

Ирската легенда ги критикуваше „кариоките“ уште за време на осминафиналето, а го повторил своето мислење и во пресрет на четвртфиналето меѓу Бразил и Хрватска.

– Не разбирам како селекторот може да танцува додека натпреварот е во тек, а противничкиот селектор е на десетина метри од него.

– Се работи за почитување, можете да танцувате после тоа колку сакате во соблекувална, можете да појдете во ноќен клуб.

– Ако сите играат како Бразилците, натпреварите ќе траат три дена. Веројатно кога тренерите полагаат за лиценца, треба да научат и да танцуваат, не мора да посветуваат внимание на тактиката, – иронично вели Кин.