Свет
Кими Раиконен доби нов ангажман само еден месец по пензионирањето од Формула 1
Финскиот автомобилист и светски првак во Формула 1 за 2007 година, Кими Раиконен, објави крај на возачката кариера со настапот на Големата награда на Абу Даби во декември 2021 година која беше негов 349 старт во тие трки.
За време на две децениската кариера на врвно ниво, тој забележа и подеми и падови, па дури беше отпуштен од Ферари за да се ослободи место за ангажман на Фернандо Алонсо во 2010 година. Во тој период, Раиконен се испроба како рели возач, а имаше настапи и на трките во НАСКАР.
Новото поглавје од неговиот живот започнува со нов ангажман, а за големо изненадување – тој е именуван за тимски шеф на фабричкиот тим на Кавасаки кој ќе се натпреварува во светското првенство во мотокрос. Досега Финецот не криел дека вози мотокрос заради личен тренинг, па дури имаше основано и сопствен тим со амбиции да се вози на светското првенство во 2011 година.
– Не е тајна дека една од моите најголеми страсти во животот е токму мотокросот. Но, овој пат не може да се нарече хоби. Ова е мошне сериозен тим, мошне фокусиран и се надеваме на најдоброто што можеме да го направиме. Бидејќи немам други обврски ќе можам да посветам повеќе време на овој проект, но мојот ангажман не е околу дневние проблеми, туку од стратешка гледна точка да се искористи моето искуство во функционирањето на тимот и во тоа што треба да го креира успехот на светската сцена,- гласи изјавата на Раиконен.
Негов помошник ќе биде долгогодишниот соработник Анти Пирхонен, кој претходно настапувал во светското првенство за мотокрос, а лани бил прв човек на екипата Ред Бул Хускварна.
– Среќни сме што Кавасаки не избра нас како фабричка екипа. Знам дека шансите за успех се поголеми кога имаш директна поддршка од фабриката. Ова е одлична можност за нас да се натпреваруваме како официјален тим на Кавасаки во светското првенство,- вели Пирхонен.
Шампионот од 2015 година, Роман Фебре, заедно со Британецот Бен Вотсон ќе ја сочинуваат возачката двојка која треба да донесе успех под раководство на Кими.
-
Лига на шампионипред 24 часа
Румениге: Го пониживме Реал со 9:1, но сега тие станаa нашата „бела мачка“!
-
Лига на шампионипред 14 часа
ПСЖ залудно доминираше, Дортмунд е прв финалист во ЛШ (ВИДЕО)
-
Репрезентацијапред 14 часа
Ракометарите тренираа во Торшавн, екипата е подготвена за битка со Фарски Острови
-
Евролигапред 15 часа
Макаби падна во Атина, Панатинаикос дојде до Ф4 билет по пауза од 12 години (ВИДЕО)
-
Лига на шампионипред 6 часа
Реакцијата на разочараниот Мбапе откако доби прашање дали ќе навива за Реал против Баерн (Видео)
-
Лига на шампионипред 14 часа
Ројс: Само една работа е важна, никој нема да праша…
-
НБАпред 16 часа
Баркли е убеден: Оваа серија е готова, Денвер ќе добие „метла“ од Минесота
-
Англијапред 23 часа
Голманот на Фулам сака да му направи услуга на Арсенал во шампионската трка со Сити