Гвардиола: Одиме на победа и во Германија

Манчестер Сити во самиот финиш прими погодок, но успеа да го врати водството во 90. минута преку Фоуден, па ќе патува на реваншот против Борусија Дортмунд со предност од 2:1.

Пеп Гвардиола знае дека ова не е најпосакуваниот резултат од првата средба на домашен терен, но логично е среќен што неговиот тим барем победи.

– Подобро е да победите, отколку да имате само реми. Во секој случај ние одиме на победа и на реваншот.

– Мора да го погледнеме натпреварот, да промениме одредени работи и да бидеме подготвени за дуелот во Германија.

– Борусија Дортмунд е типичен клуб од Лигата на шампионите, но покрај предноста, мора да се обидеме да постигнеме голови и да победиме, – изјавил Гвардиола.