Голманот Наумовски се врати во Шкупи, Брера се засили со напаѓач од Србија (Фото)

Првиот работен ден за Шкупи во 2024-та годида е нависитна доста активен, бидејќи покрај веста за четири ослобдени играчи, малку подоцна пристигна објава и за првото зимско засилување.

Во веста за заминувањата на Куевен, Нилтињо, Хоџиќ и Абази клубот најави дека ќе пристигнат нови имиња многу брзо, а само неколку часа подоцна, пристигна веста за ангажман на едно добро познато име.

Искусниот 35-годишен голман Кристијан Наумовски се враќа во Чаир, само шест месеци откако замина за Брунеи за интернационално искуство во Сингапур.

Покрај Шкупи, крајно активен во почетокот на месец јануари е и клубот од Струмица, бидејќи Брера вечерва се пофали со уште едно засилување за вториот дел од сезоната.

Станува збор за Ѓорѓе Ивковиќ, корпулентен и искусен напаѓач кој досега настапуваше за тимот на Раднички од Сремска Митровица.