Франција го загуби и Карабатиќ за Европското првенство

Француската ракометна репрезентација ќе биде меѓу фаворитите на претстојното Европско првенство, но селекторот Гијом Жил има сериозни проблеми уште на почетокот на подготовките.

По потврдената информација дека Недим Ремили ќе го пропушти шампионатот, денеска стана јасно дека тоа важи и за Лука Карабатиќ.

Играчот на ПСЖ влечеше повреда изминатиот месец, а лекарскиот тим на француската репрезентација направил детални прегледи кои покажале дека Карабатиќ нема да биде подготвен за престижниот турнир.

Жил донел одлука да го повика Тео Монар од Нант, кој ќе и се приклучи на репрезентацијата наредниве денови.

Франција на ЕП е во група со Хрватска, Србија и Украина.