ФА истражува жолт картон на фудбалер на Арсенал по пријава на букмејкери

Англиската фудбалска асоцијација постапува по пријава на британски букмејкери, според кои спорен е жолт картон покажан на фудбалер на Арсенал.

Засега не е отворена официјална истрага и не е јасно за кој картон се работи, но букмејкерите предупредиле за нелегални активности, следејќи чудни случувања поврзани со тој момент од еден премиерлигашки натпревар.

ФА официјално потврди дека го разгледува случајот.

Букмејкерите овозможуваат типување и во однос на доделувањето на картони на фудбалските натпревари, па секое намерно влијание на фудбалер во договорена шема, може да донесе големи загуби.

Во 2018 година, фудбалерот на Виган, Бредли Вуд, заработи шестгодишна суспензија затоа што намерно заработил два жолти картони на дуел од ФА купот.