Ефенберг за најавен трансфер на Баерн: Нема место за него во составот на Нагелсман

Баерн Минхен изминатите недели е поврзуван со Денис Закарија од Борусија Менхенгладбах, а фудбалерот е поатрактивен за великанот и поради фактот што актуелниот договор му истекува во јуни и би пристигнал без отштета.

„Билд“ и „Скај“ тврдат дека Баерн веќе разговарал со агентот на Швајцарецот, но легендата на Борусија и Баерн, Штефан Ефенберг, смета дека за Закарија нема место во актуелниот ростер на Баварците.

– Голем проблем за Борусија Менхенгладбах изминативе месеци е што голем број играчи не се 100 проценти со главите во својот клуб.

– Размислуваат за својата иднина, имаат договори кои истекуваат и интерес од други клубови. Го гледаат актуелниот тим како попатна станица и тука настанува проблемот, – вели Ефенберг коментирајќи ја резултатската криза на неговиот поранешен клуб.

– Читам дека Закарија бил во преговори со Баерн, но според мене за ниту еден фудбалер на Борусија нема место во актуелниот состав на Баерн. Тоа е друго ниво, веќе видовме како поминаа играчи како Ренато Санчез или Марсел Забицер. Одредени фудбалери на Менхенгладбах се преценуваат себеси, – смета Ефенберг, кој во својата кариера два пати ја замени Борусија со Баерн Минхен.