Ефенберг го советува Ројс да се повлече од националниот тим

Германската легенда Штефан Ефенберг му порача на Марко Ројс да се повлече од германската репрезентација и да му се посвети на својот клуб.

Ројс реши да го пропушти Европското првенство за да искористи подолг одмор во пресрет на новата сезона во која го носи дресот на Борусија Дортмунд, а Ефенберг вели дека воопшто не треба да се враќа во составот кој сега го предводи Ханси Флик.

– Фудбалер кој има над 30 години и кој често заработува повреди, треба целосно да му се посвети на клубот.

– Кога имате над 30 години, периодите за одмор имаат посебно значење. Јас го советувам да се повлече, но ќе ми биде драго и ако реши да остане во националниот тим, – изјавил Ефенберг.

Во слична ситуација со Ројс се Томас Милер и Матс Хумелс, кои беа вратени од Јоаким Лев во репрезентацијата пред Европското првенство.