Ѕвезда на Јувентус не тренирала со соиграчите, неизвесен е настапот против Спортинг

Душан Влаховиќ не успеа да постигне гол и на дербито со Лацио, а се чини дека ќе го памети по лошо овој натпревар и поради уште една причина.

Српскиот репрезентативец заработил повреда на зглобот на ногата на средбата во Рим и денеска не тренирал со своите соиграчи од Јувентус.

Влаховиќ имал полесен, индивидуален тренинг и поради тоа е неизвесен за дуелот на Јувентус против Спортинг во Лига Европа.

Италијанскиот тим е домаќин на првата средба и Макс Алегри до четврток ќе може да калкулира со составот, но се чини дека Влаховиќ нема да биде во прв план.

Неговата слаба форма го приближуваше Арек Милик до стартниот состав, па се чини дека повредата на Влаховиќ оди во негов прилог и Јувентус нема да ризикува со својот напаѓач.