Џака се „збогуваше“ со Арсенал во пресрет на последното коло

Гранит Џака веќе неколку недели наназад е поврзуван со напуштање на Арсенал, односно трансфер во германската Бундеслига, а медиумите се убедени дека неговиот денешен потег е потврда за таквата одлука.

Швајцарскиот репрезентативец треба да се пресели во Баер Леверкузен, а денеска на социјалните мрежи објави фотографија со специјална порака, заблагодарувајќи им се на сите „топчии“ за поддршката, притоа наведувајќи ги и освоените трофеи со овој клуб.

Џака е во Арсенал седум години, а зад себе има 296 настапи за екипата, во која во еден период ја носеше и капитенската лента.

Најавите се дека премиерлигашот ќе заработи 15 милиони евра од трансферот на Џака, а Чаби Алонсо ќе добие искусен играч во својот тим.

Granit Xhaka’s matchday post on Instagram story, ‘Thank You Gunners’, suggesting today will be his final appearance for the club. #afc pic.twitter.com/K5dLNXUep9

— afcstuff (@afcstuff) May 28, 2023