Дончиќ доби лакт во глава од Ејтон, Марјановиќ го истролал Словенецот (Видео)

Далас утринава го победи Феникс во шестиот натпревар од плејоф серијата, па Лука Дончиќ и неговите соиграчи се изборија за решавачки седми натпревар во Аризона.

Дончиќ повторно беше лидер на својот тим, а во една ситуација мораше да се соочи и со незгоден удар со лакт од Деандре Ејтон.

Играчот на Феникс не беше воопшто нежен во акцијата во која настрада Словенецот, а по натпреварот Дончиќ со насмевка на лицето зборувал за оваа ситуација, но и зборовите со кои бил истролан од својот соиграч Боби Марјановиќ.

– Добро е што имам тврда и голема глава, па не ме боли толку.

– Затоа велам дека Боби е најдобар „треш-токер“. Ми рече: Се надевам дека лактот на Ејтон е добар затоа што имаш толку голема глава, – открил Дончиќ забавувајќи ги присутните новинари.