Добри вести за Ѓоковиќ: Вториот носител во Мелбурн елиминиран од неговиот дел од ждребот

По елиминацијата на Рафаел Надал кој беше прв носител на Аустралијан Опен, следниот натпреварувачки ден во Мелбурн донесе пораз и за вториот носител.

Норвежанецот Каспер Руд ги разочара своите фанови со неочекуван пораз и исто како и во случајот со Надал, изненадувањето го приреди американски тенисер.

Се работи за Џенсон Бруксби, тенисерот кој го победи Руд со 3:1 во сетови и си обезбеди голем успех и пласман во третата рунда на АО.

Следен противник на Бруксби е неговиот сонародник Томи Пол, а неговата победа над Руд значи дека Аустралијан Опен остана без првите двајца носители пред третото коло првпат по 2022 година.

Елиминацијата на Руд е добра вест и за Новак Ѓоковиќ, бидејќи Норвежанецот е дел од неговиот ждреб на патот кон финалето.