Димитриевски играч на натпреварот, Рајо Валјекано му одолеа на големиот Реал Мадрид (ВИДЕО)

Рајо Валјекано предводен од нашиот Столе Димитриевски направи големо изненадување и остана непоразен во соочувањето со Реал Мадрид во рамките на 12. коло во Примера.

„Кралевите“ влегоа во ова соочување како апсолутни фаворити и малкумина веруваа дека ќе направат кикс на „Сантијаго Бернабеу“, но токму тоа се случи или поточно на нивниот пат им застана македонскиот репрезентативец. Димитриевски беше на највисоко ниво, имаше неколку добри интервенции од кои дефинитивно се издвојува онаа во 6. минута кога му одбрани зицер на Валверде во ситуација еден на еден.

Столе одличен на „Бернабеу“: Димитриевски му одбрани зицер на Валверде (ВИДЕО)

▶️ @Dimitrievski1 ante Valverde ⛔️#RealMadridRayo #LaLigaHighlights pic.twitter.com/vk5ExFS6L4

— Rayo Vallecano (@RayoVallecano) November 5, 2023

Great work on the wing from Vinicius Jr but the shot by Joselu is stopped by another fantastic save from Stole Dimitrievski. 🧤🇲🇰pic.twitter.com/iK5pHtR3sl

— LaLigaExtra (@LaLigaExtra) November 5, 2023

Избраниците на Анчелоти постојано притискаа, закануваа, упатија преку 20 удари, но ниту еден не заврши зад грбот на македонскиот голман. Токму Димитриевски беше прогласен и за играч, МВП на натпреварот што е навистина убаво признание за членот на Валјекано.

Реал сега има 29 бода, два помалку од лидерот Џирона и два повеќе од третопласираната Барселона.