Дешамп за елиминацијата на Франција на ЕП: Една работа ме прогонува…

Французите уште долго ќе ја паметат болната елиминација во осминафиналето на последното Европско првенство, а селекторот Дидие Дешамп првпат зборувал поотворено за дуелот со Швајцарија и она што го прогонува од таа средба.

Франција водеше со 3:1 на десетина минути до крајот, но не само што ја испушти предноста, туку подоцна беше елиминирана на пенали.

– Најмногу ме прогонува една работа, а тоа е сознанието за потенцијалот кој го имавме и реалноста за тоа што го направивме во тие завршни минути.

– Водевме со 3:1 до 80. минута, но требаше да знаеме дека ништо не е решено. Имаме квалитет и менталитет во нашата ДНК, нормално е дека постои одредена нервоза во тие моменти, но мораше да знаеме дека ништо не е готово. Требаше да ги искористиме шансите, а како да не бевме доволно сериозни.

– Тука беше и продолжението во кое требаше да одиграме подобро и да ги искористиме шансите. Јас сум најодговорен бидејќи го правам изборот на фудбалери и тактика, точно е дека направив погрешен избор, но тоа е дел од фудбалот, – вели Дешамп.