Братот на Амрабат потврди дека три гиганти сакале да го доведат играчот во јануари, не успеале поради…

Софијан Амрабат го привлече вниманието на големите екипи по перфектно одиграното Светско првенство во Катар во дресот на Мароко.

Играчот од средниот ред игра стандардно и во Фиорентина, но на Мундијалот беше на многу високо ниво, по што голем број европски клубови се заинтересираа за него.

Неговиот брат, исто така фудбалер, Нордин, потврди дека Манчестер Јунајтед, Челси и Барселона се обиделе да го добијат потписот на Амрабат во јануари, но не успеале да ја убедат Фиорентина да го пушти играчот прво на позајмица, а потоа да биде направен перманентен трансфер.

– Можам да набројам три клуба кои беа навистина конкретни во последните денови од преодниот рок. Манчестер Јунајтед се појави со понуда во последните два дена од преодниот рок, сакаа да го позајмат, со опција за откуп на договорот. Тоа пропадна затоа што Фиорентина не беше заинтересирана за таква зделка.

– Барселона исто така сакаше да го позајми, но тие имаа финансиски проблеми и не понудија да го откупат неговиот договор. Третиот клуб кој се заинтересира беше Челси, -изјави Нордин Амрабат.