Бонучи на принудна пауза, ги пропушта натпреварите на Италија во Лигата на нации

Леонардо Бонучи подолг период се жалеше на болки на бутниот мускул, а денеска лекарите во италијанската репрезентација детектирале дека има проблем поради кој мора да мирува.

Дефанзивецот на Јувентус поради тоа се враќа во Торино и ќе ги пропушти натпреварите од Лигата на нации против Полска и Босна и Херцеговина.

– Сакав да бидам тука по секоја цена, но за жал тоа нема да биде доволно.

– Се обидов се што можев, стискав заби последните дваесетина дена, чувствував болка и на натпреварот против Лацио.

– Клупските лекари ќе одредат колку време ќе ми треба да се вратам, на колегите од националниот тим им посакувам да ја продолжат добрата серија и без мене, – изјавил Бонучи.