Баерн, Барселона и Интер се во „групата на смртта“, сериозни предизвици за Елмас, Ристовски и Адеми

Одржана е ждрепката за групната фаза на Лигата на шампионите, а истата ни донесе доста интересни комбинации, односно пред нас се пеколни натпревари.

Најжешко ќе биде во групата Б во кое се најдоа Баерн Минхен, Барселона, Интер и чешки Плзен кој ќе биде аутсајдер во оваа конкуренција. Ова значи дека Роберт Левандовски ќе се врати „дома“ во клубот во кој долго време газеше и беше најдобар стрелец.

Актуелниот шампион Реал доби ривали по мерка и ќе се соочи со Лајпциг, Шахтјор и Селтик, додека пак нашите репрезентативци Елиф Елмас, Стефан Ристовски и Аријан Адеми ќе имаат сериозни предизвици.

Елмас со својот Наполи ќе изглезе на мегдан со Ајакс, Ливерпул и Ренџерс, додека македонската двојка од Динамо Загреб ќе игра против Милан, Челси и Салцбург.

Групната фаза ќе започне на 6 септември, а ќе заврши на 2 ноември.

Групна фаза на ЛШ:

А: Ајакс, Ливерпул, Наполи, Ренџерс

Б: Порто, Атлетико Мадрид, Баер Леверкузен, Бриж

Ц: Баерн Минхен, Барселона, Интер, Плзен

Д: Ајнтрахт Франкфурт, Тотенхем, Спортинг, Марсеј

Е: Милан, Челси, Салцбург, Динамо Загреб

Ф: Реал Мадрид, РБ Лајпциг, Шахтјор Доњецк, Селтик

Г: Манчестер Сити, Севилја, Борусија Дортмунд, ФК Копенхаген

Х: ПСЖ, Јувентус, Бенфика, Макаби Хаифа