Бабунски: Македонија е во добра форма, очекувам победа против Бугарија

Македонската сениорска фудбалска репрезентација ја очекува нов настап во Лигата на нации каде во месец јуни имаме дури четири натпревари за десет дена.

Првиот е против Бугарија во Разград на 2 јуни и истиот привлекува доста внимание поради се што се случува и сите проблеми кои ги имаме со нашиот источен сосед. Дориан Бабунски како играч кој настапуваше во бугарскиот шампионат е доста интересен за тамошните медиуми, па напаѓачот на Дебрецин испрати порака пред дуелот кој го играме наредниот месец.

-Македонија е во добра форма и очекувам да победиме. Се надевам на добра атмосфера, -порача Дориан кој до оваа календарска година беше дел од Ботев Враца по што се пресели во Унгарија каде настапуваше заедно со неговиот брат Давид.

Инаку Македонија во јунскиот термин ја очекуваат мечеви и со Гибралтар (5 и 12 јуни) и Грузија (9 јуни).