Андухар за пресметката Ѓоковиќ-Алкарас: Ќе биде забавно, шансите се…

Новак Ѓоковиќ и Карлос Алкарас ќе ги одмерат силите во второто полуфинале на АТП завршниот турнир кој се игра во Торино.

Двајцата забележаа по две победи и еден пораз во групната фаза, во меѓусебните дуели резултатот е 2-2 и затоа сите со нетрпение ја очекуваат пресметката на асовите кои се на позициите број еден и два на АТП листата.

Според поранешниот шпански тенисер, Пабло Андухар нема фаворит во овој натпревар, односно шансите за пласман во наредната фаза се 50/50.

-Неверојатен, неверојатен натпревар од перспектива на навивачите. Мислам дека можеме да очекуваме долги размени. Карлос треба да игра силно со својот форхенд, да користи дроп шот и да игра што е можно поразлично.

-Мислам ќе се обиде, бидејќи Новак е исклучително цврст од основната линија. Како што реков, и двајцата се неверојатни играчи, големи ѕвезди, ќе биде забавно да се гледа тој меч. Шансите се 50-50, -порача Андухар за „Спорт Клуб“.

Мечот е закажан за 21 часот.