Алонсо доби казна и загуби позиции во пласманот на Ф1 трката во Австралија

Фернандо Алонсо доби казна од стјуардите поради опасно возење во финишот на Формула 1 трката за Големата награда на Австралија и поради тоа ќе има послаб пласман од овој трет натпревар во новата сезона.

Шпанецот е казнет со 20 секунди, поради што наместо шестото, официјално го освои осмото место во Австралија, а причина е неговиот потег во дуелот со Џорџ Расел, по кој возачот на Мерцедес имаше инцидент и за среќа мина без посериозни последици.

Алонсо им признал на стјуардите дека притиснал претерано на сопирачките во свијокот број шест, а потоа нагло забрзал, со што предизвикал опасна ситуација од која подебелиот крај го извлече Британецот.

Возачот на Астон Мартин добил и три казнени поени.

Со оваа казна, шестото и седмото место сега им припаѓаат на Ленс Строл и Јуки Цунода, а зад Алонсо остануваат Хулкенберг и Магнусен од Хас.

Big impact for George Russell 😮

Good to see the Mercedes man walk away unscathed from this crash 👍#F1 #AusGP pic.twitter.com/Jsq6RZ1UBS

— Formula 1 (@F1) March 24, 2024