Зверев со победа го заокружи настапот на завршниот турнир во Торино (ВИДЕО)

Германскиот тениски ас, Александер Зверев со победа над Андреј Рубљов од 2-0 го заврши настапот на АТП завршниот Мастерс во Торино.

Како Германецот така и Русинот немаа шанси да се пласираат во следната фаза, па одиграа меч за своја душа во кој Зверев се покажа како подобар и славеше со 6-4 и 6-4.

Рубљов прв дојде до брејк во првиот сет, но потоа противникот имаше свои моменти, двапати му го одзема сервисот што беше доволно за водство од 1-0. Во вториот решавачки беше седмиот гејм по кој Зверев се стекна со предност која не ја испушти до самиот крај.

Signing off with a win in Turin ✍️

Zverev finishes his 2023 season by defeating Rublev 6-4 6-4!#NittoATPFinals pic.twitter.com/b97KBEki51

— Tennis TV (@TennisTV) November 17, 2023

Утре се играат полуфиналните битки во кои силите ќе ги одмерат Синер-Медведев и Ѓоковиќ-Алкарас.