Тухел со искрено објаснување за двојната измена: Тие не беа доволно добри

Челси максимално го искористи фактот што Порто не играше на домашниот „Драгао“ на првиот натпревар од закажаните две четвртфинални пресметки, а „сините“ од Лондон по вторпат оваа сезона покажаа дека стадионот во Севилја навистина им лежи во најелитното натпреварување.

Откако ја победија Севилја на „Рамон Санчес Писхуан“, изминатава вечер си заработија убава предност од 0:2 пред реваншот на домашен терен против Порто, натпревар кој според Томас Тухел нема да биде воопшто едноставен, бидејќи португалскиот состав е познат по тоа што никогаш не се откажува во Лигата на шампионите.

Германскиот стручњак одново имаше одредени ротации и во стартната постава го немаше Нголо Канте, а при резултат 0:1, ги извади двајцата свои сонародници од кои призна дека не бил задоволен.

– Навреме сфатив дека ова беше тежок меч за Тимо Вернер и за Каи Хаверц, не беа доволно добри вечерва. Немавме добра конекција меѓу седуммината во одбрана и средина и оние тројца во нападот.

– Двајцата Германци не беа на потребното ниво и затоа сакав да видам реакција од клупата. Пулишиќ имаше добар моментум, а Жиру по добро го памети овој стадион од првото гостување оваа сезона. Најдобра одбрана е нападот, среќен сум што добив резултат со играчите од клупата. Имаа позитивно влијание и завршивме половина од работата. Сега не чека иста таква работа и на домашен терен, – изјави Тухел.