ТФТ оствари рутинска победа над Чаир

Кошаркарите на ТФТ остварија рутинска победа над Чаир 2030 во средбата од 13. коло во првата македонска лига.

Нашиот претставник во АБА2 лигата издвојува триумф од 87-75 и тоа во дуел во кој клучната предност ја изгради во првата четвртина која ја реализираше со 33-8. Гостите се обидуваа на сите начини да се вратат во натпреварот, меѓутоа тој минус од 25 од првите десет минути беше преголем за да се направи нешто на дуелот во СРЦ „Кале“.

Ова за избраниците на Смилковски беше осми триумф во шампионатот, а во истиот Батрик даде 25, Ташовски 15, а Бишоп 14 кошеви.

Френклин пак заврши со 30.поени кај Чаир.