Супер гол на новиот македонски репрезентативец (Видео)

Селекторот на македонската фудбалска репрезентација, Благоја Милевски за последните два квалификациски натпревари за Светското првенство против Исланд и Ерменија во составот го повика и дебитантот Валон Етеми.

Станува збор за офанзивен фудбалер кој игра во турскиот второлигаш Истанбулспор кој треба да донесе дополнителен квалитет во националниот табор.

Дека станува збор за квалитетен фудбалер говорат и неговите бројки оваа сезона во втората по ранг турска лига.

На денешниот натпревар против Менемеспор, Етеми постигна убав погодок по соло продор за водство на неговиот тим од 1:0.

Етеми во досегашната сезона на 11 натпревари за Истанбулспор постигна еден погодок и запиша четири асистенции.