Шведска служи за потсмев: Прими гол од пола терен со играч повеќе на теренот (Видео)

Шведска игра катастрофални квалификации и веќе од поодамна познато е дека остана без Европско првенство, но сега си го загрози и третото место во својата група.

Селекцијата која ја води Јане Андерсон забележа само две победи во групата во која издоминираа Австрија и Белгија, но сега Швеѓаните се израменти по бодови и со Азербејџан.

Причина за тоа е денешниот срамен резултат за Швеѓаните на гостувањето кај Баку, каде Азербејџанците успеаја да слават со преубедливи 3:0.

Победата беше најавена со два гола во првите шест минути, но шлагот на тортата пристигна во 89-та минута, кога Махмудов режираше ремек-дело.

И покрај тоа што Азербејџан играше со играч помалку поради црвениот картон на Мустафѕада, Махмудов извади максимум од една тешка позиција и успеа да го изненади шведскиот голман од пола терен.

Meanwhile this just happened in Baku. Mahmudov makes 3-0 for 10-man Azerbaijan over Sweden. #AZBSWE #Euro2024Qualifiers pic.twitter.com/pAG0GU7fVZ

— Pharaohs XI 🇪🇬🇵🇸 (@PharaohsXI) November 16, 2023