Шортс и Париз ја забележаа 15. победа во Еврокупот (ВИДЕО)

Париз на Ти-Џеј Шортс изгледа моќно во групната фаза во Еврокупот каде во групата А ја забележа 15. победа во 16 натпревар.

Францускиот тим беше подобар од шпански Хувентуд со 89:82 и тоа во средба во која ги доби првата и последната четвртина, поточно стекна доволна предност за да дојде до посакуваниот резултат.

Шест играчи кај домаќините беа двоцифрени, а меѓу нив беше и македонскиот репрезентативец Шортс со 10 поени. Тој зад своето име имаше и 3 скока, 6 асистенции, најефикасен беше Хифи со 17 поени.

Фелиз пак со 20 поени, 6 скока и 7 асистенции се истакна кај гостите од Бадалона.

Париз единствениот пораз во оваа сезона го доживеа од Бешикташ, тим со кој се соочува на 30 јануари што секако е добра можност да му се реваншира на негов терен во Истанбул.