Разиграната Јута го освои Лос Анџелес, Голден Стејт со голем пресврт до славје против Мајами (ВИДЕО)

Најдобарата екипа во досегашниот тек во НБА лигата Јута Џез прокнижи уште една победа и тоа на гостувањето во Лос Анџелес кај Клиперс со 114-96.

Домаќините кои беа без првите две звезди Ленард и Џорџ одиграа добро прво полувреме по кое имаа водство од 51-46, меѓутоа ова темпо игра не го задржаа во продолжението и за тоа виновни се расположениете „џезери“ кои додадоа гас, одиграа фантастично во нападот постигнувајќи 68 поени што беше повеќе од доволно за пресврт и славјте број 9 во низа, вкупно 24 во оваа натпреварувачка сезона.

Мичел беше автор на 24 поени со 7 скокови и 7 асистенции, центарот Гобер беше брилијантен со 23 поени и дури 20 скокови. Вилијамс и Џексон кај Килиперс дадоа по 16, односно 15 кошеви.

Мајами Хит пак имаше плус 15 во последната четвртина против Голден Стејт, ама и ова не беше доволно за да се изборат за триумф во Сан Франциско. Домаќините ја стопија предноста и се изборија за продолжение во кое со 15-7 се наградија за добрата игра, карактерот кој го прикажаа кога беше најпотребно.

Во победата од 120-112, Бејзмор и Кари за Голден Стејт искомбинираа 51 поен. Кај „жешките“ Адебајо реализираше 24 кошеви со 5 скокови и 7 асистенции.