Претседателот на ПСЖ најави трансфер на една од најголемите светски ѕвезди? – Ист е како Ибрахимовиќ и Бекам…

Првиот човек на ПСЖ, Насер Ал Келаифи во интервју за француските медиуми зборуваше на најразлични теми, а се осврна и на еден играч кој според него ги поседувал истите карактеристики како претходните звучни засилувања на ПСЖ, Дејвид Бекам и Златан Ибрахимовиќ.

Станува збор за Кристијано Роналдо кој беше пофален од Келафи и тоа беше доволно за светските медиуми веќе да почнат да го поврзуваат Португалецот со трансфер во ПСЖ.

– Тој е мотивиран од неговата желба да напредува секој ден и секогаш го дава максимумот. Ми се допаѓа неговата желба, тој е одличен пример за спортист на иднината, -кратко изјави Келаифи за 35 годишниот Роналдо, а потоа го спореди со Бекам и Ибрахимовиќ.

– Размислувајќи за сите играчи кои ни се придружиле мислам дека тој е сличен на Ибрахимовиќ и Бекам. Времето на Златан може да се обележи поради неговиот карактер, лидерството и харизмата кои ги имаше.

-Секогаш беше флексибилен, а кога ситуацијата бараше нешто од него, знаеше како да се справи со тоа.

– Иако Бекам беше кратко во ПСЖ тој покажа дека има трансформирачки ефект за клубот. Неговите инвестиции во тренингот, неговото грижење за секој детаљ во секој момент, неговата желба за успех, неговото чувство за тимска работа и неговата аура беа навистина добредојдени за нас, -изјави Ал Келаифи.