Пелистер се засили со крилен центар од Шенчур

Тимот на Пелистер не успеа да го освои трофејот во Купот на Македонија, но има уште доста предизвици за екипата во домашниот шампионат и АБА2 лигата, предизвици за кои клубот од Битола ангажираше засилување за борбата под кошевите.

Нов член на македонскиот прволигаш е Бaлша Драговиќ кој досега беше дел од тимот на Шенчур од Словенија. Драговиќ  е висок 208 сантиметри и заедно со Јуре Планиниќ и Андреј Маслинко треба да донесат стабилност на позициите четири и пет.

Бaлша има настапувано во Србија, Шпанија, Чешка, САД и БиХ, односно со своето искуство треба да биде уште едно оружје за тренерот Дарко Радуловиќ.

Тој се очекува да дебитира на мечот против ТФТ.