Пандев: Ова е посебен меч за мене, нема да давам никакви прогнози!

Италија е наредниот ривал на Македонија во квалификациите за Европското првенство во 2024 година, средба која е закажана за два дена на „Олимпико“ во Рим.

Ова е дуел кој е од огромно значење за „аѕурите“, додека ние играме за чест, гордост, но и подобар пласман во групата. Горан Пандев е еден од асовите кој ги поврзува двете земји, па популарниот Гоче е интересен за медиумите на чизмата на кои им откри дека на ТВ ќе ја проследи пресметката.

-Ќе го гледам натпреварот на телевизија, нема да бидам во Рим. Ова е посебен меч за мене, така што нема да давам никакви прогнози.

-Во моментов раководам со клуб што го купив во Македонија. Мислам дека нема да станам тренер. Сакам само да уживам во моето семејство, што е нешто што не можев да го направам порано. Можеби ќе учам да станам спортски директор, почнав со Бранкини, но сè уште немам јасни идеи, -истакна Горан  за „Фудбал Италија“.