Одбојкарите заиграа на повисоко ниво, но загубија и од Шпанија

Одбојарската репрезентација на Македонија го претрпе четвртиот пораз на четвртиот натпревар на Европското првенство.

Нашите одбојкари заиграа на повисоко ниво во однос на претходните натпревари, ама и тоа не се покажа како доволно за да се слави против Шпанија. „Црвената фурија“ се избори за триумф од 3-1 во сетови и со тоа ни го препушти фенерот во групата Ц на овој шампионат.

Првиот сет донесе изедначена борба во која решаваа нијанси за 25-23 за Шпанија за да во вториот ние одговориме со 25-21 за 1-1 во сетови.

Најжестоко беше во третиот „период“ во кој избраниците на Николиќ не искористија две сет топки при 24-22, а потоа и при 26-25. Шпанците не се откажаа и се изборија за триумф од 30-28 по што за нив беше многу полесно во остатокот во мечот.

Имено ние не закпренавме по шокот, противникот пак го искористи моментот и со 25-15 ја затвори оваа средба.

Капитенот Ѓоргиев со 26 поени беше прво име кај „спартанците“, кај побединикот исто толку имаше Виљена.

За нашата репрезентација сега останува уште еден предизвик во Тампере и тоа против фаворизираната Русија.