Невил му испрати предупредување на Тен Хаг и го објасни различниот пристап на ѕвездите на Јунајтед

Ерик тен Хаг се уште има теоретски шанси да ја задржи менаџерската функција во Манчестер Јунајтед, но ако сака таков расплет, најмалку што треба да направи е да го обезбеди трофејот во ФА купот.

Јунајтед остана во битка само за овој трофеј, а Гери Невил смета дека тоа е единствената шанса за Тен Хаг.

– Мора да победат следниот викенд, сезоната целосно ќе заврши ако не успеат.

– Нема потреба многу да се коментира за она што гледаме на лигашките натпревари, твитовите, лајковите и говорот на телото на фудбалерите на теренот појаснуваат многу работи.

– Не гледам причина да се навраќаме на тие детали, бидејќи постојано се повторуваме. Она што во моментов може да го кажам дека иднината на Тен Хаг е тесно поврзана со ФА купот, не очекувам нешто да се промени во првенството. Фудбалерите веќе одамна се „исклучуваат“ на гостувањата во првенството, додека на домашен терен е поинаку, мора да се вклучат поради 75.000 фанови кои нема да им дозволат таков пристап, – вели Невил.

Јунајтед ќе биде голем фаворит во полуфиналето со Ковентри, но во финалето ќе се сретнат со подобриот од дуелот меѓу Манчестер Сити и Челси.