Најдоброто од избраниците на Лазаров: Петте атракции кои ги изведе Македонија на ЕП во Германија (Видео)

Македонските ракометари со помирни глави ќе се вратат во родната земја од Европското првенство кое го одиграа во Германија, пред се поради одличното издание кое го имаа на последниот меч во групната фаза.

По низата технички грешки и големата разлика во квалитет на дуелите со Франција и Германија, Македонија го покажа своето најдобро лице против Швајцарија, па победата од 29:27 дефинитивно донесе голема доза на свежина во нашиот табор.

Тоа можеше да се заклучи и од изјавите кои ги дадоа самите ракометари по остварениот триумф, а од вчерашниот натпревар дојде и најубавиот гол кој го постигнавме на овој шампионат.

Македонските момчиња имаа свои добри моменти на сите три натпревари, а Европската Федерација сега ги издвои петте најдобри атракции кои ги режираа избраниците на Кирил Лазаров.

На прво место е цепелинот кој беше режиран во победата над Швајцарија, бравура која беше дело на Јагуриновски и Талески.