Мекиќ и Задар славеа во дербито против Сплит

Адем Мекиќ и неговиот Задар остануваат со 100 процентен учинок во првата хрватска лига и по седмото коло, рунда во која остварија триумф над големиот ривал Сплит со 88:80.

Во една интересна пресметка во која двата состави имаа свои добри минути, периоди, клучна се покажа завршната четвртина која има припадна на домаќините со 29:17 со што го свртеа резултатот и ги израдуваа своите навивачи.

Жганец со 19 поени беше прв стрелец, Лакиќ имаше 18, а двоцифрени беа уште Мазалин и Рамљак со по 15 и 16 кошеви. Нашиот репрезентативец Мекиќ за 13 минути на паркетот реализираше 6 поени со 2 асистенции, 2 украдени топки, но и заработи 5 лични грешки.

Фандербурк за гостите уфрли 20 поени.

Следно за Задар е соочувањето со Мега во АБА лигата.