Марсело: Знаеме што треба да направиме, реваншот ќе биде поразличен

Реал Мадрид не успеа да ја искористи предноста на домашниот терен и со реми од 1-1 ќе го дочека реваншот против Челси закажан за 5 мај на „Стемфорд Бриџ“.

„Кралевите“ не успеаа да се наметнат онака како што посакуваа, имаа доста проблеми во првата половина на првото полувреме, ама со голот на Карим Бензема се изборија за нерешен резултат со кој го оставија отворен возвратниот меч во Лондон.

-Знаевме дека може ова да се случи. Ама следи уште еден натпревар. Се е во ред, знаеме што треба да направиме. Реваншот ќе биде поразличен. Не можеме да го избереме ритамот на натпреварот. Мораме да се адаптираме на тоа што е.

-Се е добро со нас, ние сме смирени. Ќе имаме одмор, работите сигурно ќе се променат, -порача искусниот бек Марсело.