Mакедонските одбојкари ги дознаа термините за битките на ЕП

Македонската одбојкарска репрезентација ја очекува настап на Европското првенство, настан на кој еден од ко-домаќините е токму нашата земја.

Нашите одбојкари ќе имаат можност дома, на свој терен да се претстават воо најдобро светло и тоа во периодот од од 30. август до 6. септември оваа календарска година. Дуелите ќе се играат во Спортскиот центар „Борис Трајковски“, а Европската одбојкарска конфедерација (ЦЕВ) веќе ги објави термините за битките.

Почнуваме со Данска на 30 август по што следат соочување со Црна Гора, одбојкарскиот моќник Полска, Холандија и на крајот Чешка.

30.08.2023 (20 часот): МАКЕДОНИЈА – Данска
02.09.2023 (20 часот): МАКЕДОНИЈА – Црна Гора
03.09.2023 (20 часот): МАКЕДОНИЈА – Полска
05.09.2023 (17 часот): МАКЕДОНИЈА – Холандија
06.09.2023 (20 часот): МАКЕДОНИЈА – Чешка

Пласман во осминафиналето ќе обезбедат четирите најдобро пласирани селекции од групата.