Македонија ќе игра пријателски средби против Финска и Азербејџан во Скопје

Фудбалската репрезентација на Македонија се подготвува за мечевите со Грузија и Бугарија во Лигата на нации, но во исто време стручниот штаб и фудбалерите дознаа какви предизвици ги очекуваат во месец ноември.

Имено ФФМ потврди две контролки кои на 17 и 20 ноември ќе се одиграат на Националната арена “Тодор Проески” во Скопје.

Се работи за дуели со Финска и Азербејџан, селекции со кои интересно во 2018 година се соочивме во Белек, средби кои завршија без победник.

Во октомври, нашата репрезентација веќе го потврди пријателскиот натпревар против Саудиска Арабија.